Surabaya oh Surabaya Oh Surabaya
Bukang torang pe kota mar torang tetap cinta
KArena sama-sama Nusantara
Surabaya di taong ampa lima
Torang berjuang bataruh nyawa
Bukang cuma arek-arek Surabaya
Mar juga Tou Kawanua
Ngoni nyanda percaya?
Pernah ngoni dengar si "Opo" Sulut Hein Worang?
PErnah ngoni dengar Joop Warouw deng Juus Somba dedengkot PERMESTA?
Deng sederet tu nama-nama laeng mulai dari GErungan, Tilaar, Siwi, Luntungan, Moningka, Waworuntu, Wuysan, Tampi, Regar, Mumu yang dapa sayang sekali Tou Kawanua hampir nyanda kanal samua
PRISAI deng PRI Barisan Istimewa
So itu dorang pe kesatuan pe nama
Satu peleton lengkap deng samua senjata
Baku abis deng orang-orang Inggris deng India
Bataru nyawa
For Indonesia
Mar sapa ada beking sampe Tou Kawanua apalgi orang Indonesia jadi lupa
Pa dorang samua?
Sekali lagi ya tamang-tamang tou Kawanua
Bangun Minahasa
Bangun Sulawesi Utara
Bangun Indonesia
Bangun Dunia
Jangan sampe ngoni lagi-lagi lupa
Perjuangan dari Tou Minahasa
Tidak ada komentar:
Posting Komentar