serta bulang agustus abis......
bar maso bulang september,
opa philus so mulai lia depe binatang da piara.....
anjing for mo beking rw......deng babi mo beking tinoransak.....
ayang kampung pe tolor so mulai opa philus kumpul for mo beking kukis kolombeng.....
pagar muka rumah opa phlilus so ja mulai ganti depe bulu,
biar cuma ika deng tali gomutu....mar so gaga tupagar.....
kurang mo ka kawangkoan for mo bli cet kapur barang 2 kilo for mo cet pagar......
oma pince.....so mulai ciraro rumah,.....
biar cuma mo gantong tu hiasan ....merry christmas and happy new year,
oma pince so sanang.......
samua opa philus deng oma pince beking karna mo sambut hari basar......
brenebon so siap for mo beking sup nanti.....
mantega blek blueband......so bli lebe dulu....soalnya biasanya pedagang ja senae nentau tako kal so dekat depe hari katuun....mar tu dinas perindustrian deng dinas perdagangan kwa nda da nyali for kontrol........tarigu kasiang oma pince so ja cicil2 bli satu2 kilo tiap dia da lebe doi.....
gula paser......dan samua kabutuhan hari basar.....oma pince so cicil2 bli kasiang........
.......di dekat opa philus deng oma pince pe rumah.....ada kasiang satu keluarga yang hidop dari perjuangan tanta lenci sebagai tukang bobaso pakeang orang....deng oom lexi mancari tukang jaga wc umum di stasion oto kawamgkoan........deng 7 anak dirumah........car ini hari, makang ini hari, abis ini hari.......tapi toh tetap ingin mo sambut hari basar.......deng dong pe kemampuan katuun......!
for hari basar....
salalu torang basadia for urusan poót....
salalu torang basadia for urusan badang.......
biar korang mo bautang di koperasi deng bunga 20 perseng asal.....hari basar torang mo rayakan.....
hari basar.......
for nona2 deng nyong2 masa kini....so musti ada baju baru deng capatu baru,
for anak2.......sama lei.....
apalagi for mama2.........dar rambu sampe di kaki.....so musti baru kata.......biar dong pe laki deng so nda malo balolo doi rakyat.......asal bini sanang sambut hari basar......
hari basar......skarang so ilang depe arti....
for apa nasi jaha da bakar 200 bulu kal hasil da bautang di koperasi ato bank???????
for apa tinoransak deng pangi da 100 bulu kal da pi lolo pa orang pe kobong nya batanya karna merasa ada kekuasaan???????
for apa kukis mantega 100 toples.......kal da lolo opa philus deng keluarga miskin pe pbb yang dong da bayar karna semboyan perpajakan.....rakyat taat hukum wajib bayar pajak bumi dan bangunan.....??????
apa ini tu damai dibumi diantara manusia yg diperkenankannya?.......ny
apa ini tu kesukaan untuk seluruh bangsa?.......nyanda komang!.....lantarang ta pe bangsa minahasa kasiang......masih tabiar ditengah satu negara kesatuan.....dinjak haknya,dimanipulasi kultuurnya,dikebiri kemerdekaannya sebagai bangsa minahasa......dengan alasan....demokrasi.....di
ta pe bangsa minahasa.......sampe sekarang masih saja di kejar oleh herodes2 deng depe mahligai kekuasaan.......mayoritas menindas minoritas.......
namun satu ta pe keyakinan......hari basar yang penuh sukacita,sederhana deng bunyi lantaka.....cuma ada di tanah kelahiranku......banuaku MINAHASA......tanah TOAR DAN LUMIMUUT!
kampung sorong,13 des 2009.
.jpg)
0 komentar:
Posting Komentar