SASTRA MINAHASA: Cerpen Novline Lidia Rewah: "Lantaka"

Tabea Waya e Karapi!

Sastra for Minahasa Masa Depan!

Mengapa sastra (baca: tulisan)?

Sebab tulisan adalah bentuk kasat mata dari bahasa yang adalah alat atau perwujudan budaya yang digunakan manusia untuk saling berkomunikasa atau berhubungan, baik lewat tulisan, lisan, ataupun gerakan (bahasa isyarat), dengan tujuan menyampaikan maksud hati atau kemauan kepada lawan bicaranya atau orang lain. Melalui bahasa, manusia dapat menyesuaikan diri dengan adat istiadat, tingkah laku, tata krama masyarakat, dan sekaligus mudah membaurkan dirinya dengan segala bentuk masyarakat.

Kemudian: Mengapa pake Bahasa Manado? No kong kyapa dang?

Karena tak ada lagi bahasa lain yang menjadi 'lingua franca" di se-enteru Minahasa hari ini selain bahasa yang dulunya torang kenal juga sebagai "Melayu Manado".

Yang terutama adalah bahwa lewat sastra kita dapat kembali menjabarkan “Kebudayaan Minahasa” hari ini. Dengan menulis kita dapat kembali meluruskan benang kusut sejarah Bangsa Minahasa. Lalu, lewat tulisan, kita menggapai keabadian, io toh?

Cerpen Novline Lidia Rewah: "Lantaka"

.......lantaka pe bunyi.....bekeng rame ta pe banua minahasa,
biar nyamuk rako di bawah kolong rumah....mar tong bakumpul se bunyi ni lantaka....
na pe suara......melambung diantara gunung dua sudara dan klabat.....
na pe gema rupa mo se pica tu gunung soputan.....
biar oom pala lengkali jaga marah....amper jatung katu tu jantong lantarang ta kage , pas lewat tong se babunyi tu lantaka......
cuma pake obor.....ato lampu botol tong barmaing ni lantaka.....rupa tong da setau pa seantero dunia.......NAPA KITA PE BANUA MINAHASA......
tiap kali tong mo pasang......
so musti tiop dulu se kaluar depe asap......soalnya kal nda sekaluar....depe babunyi rupa sapa stou pe konto......

lantaka......skarang kasiang torang so nda dapa kase barmaing rupa dulu......
padahal torang pesalah sandiri deng tong pe nakal katuun sampe.....lengkali kal tu api kaluar.....kage alis deng rambu bagiang muka so tabakar......
mar lengkali katuun....kal so tal panas.....ja meletus kong tabakar tu rumah kang......so itu oom pala deng kuntua so nya ja kase barmaing tu lantaka.....

dar bulu basar tong beking pa ngana lantaka,
se lobang di dekat buku-buku for mo isi dan mo tampung minya tanah.....
deng kaeng lap for mo tutu tu lobang waktu mo se babunyi........

lantaka.......na pe bias pribadi bukang cuma jadi kenangan.....
mar.....lantaka ngana masih hidop pa tole,utu,inyo deng tu samua nyong-nyong minahasa yg pernah da jadi trend deng ngana tempo dulu......pehati deng jiwa......

na muncul sebelum hari basar,
na so se tau pa samua orang di kampung.......hari basar so nda lama.....
biar ada dikobong jao.......serta dengar lantaka pe babunyi.....
orang kobong so tau.......hari basar so dimuka pintu......

lantaka......
ngana rupa sosok pribadi yg hidop di antara ta banua minahasa,
na so se smangat ta pe bangsa minahasa.......
na so jadi warta for ta pe bangsa minahasa.......

serta malam hari basar datang.......
deng satu pengorbanan.....na rela tong beking umpan api for mo bakar akang......
nasi ja,posana,pangi,tinoransak

........deng samua tu da isi di bulu......

lantaka kini bergeser deng......petas-petasan buatan china.....

kini buatan bangsaku minahasa.......hanya tinggal kenangan......
dentuman lantaka......kini tinggal dalam ingatan.......
namun......lantaka ngana pe nama tetap ada pa kita pe hati......

ta akan jadikan ngana seruan yang panjang rupa ngana pe bunyi yang panjang mengema di seantero dunia.....
ta ingin skali ngana hidup kembali memelopori perjuangan ta pe bangsa minahasa mo mangada globalisasi dalam segala bidang......

biarkan tong pe hati putra putri bangsa minahasa.....selalu di bakar dengan api.....kesetiaan pada tanah leluhur kami.....minahasa!

lantaka......
bakar semangat patriotisme bangsa minahasa dalam keyakinan.......MENJADI SATU bangsa yang mengemakan......I yayat u santi......!!!!!!!!

kampung sorong,15 desember 2009.